Síðastliðinn vetur buðu UFA og blakdeild KA upp á íþróttaskóla fyrir börn í 1. - 3. bekk. Aðalíþróttagreinar skólans voru frjálsar íþróttir og blak en einnig voru fleiri íþróttir kynntar, s.s. glíma og körfuknattleikur. Er þetta fyrirkomulag í samræmi við stefnu ÍSÍ sem hvetur til þess að íþróttafélög gefi öllum börnum upp að 9 – 10 ára aldri tækifæri til að stunda íþróttir í fjölbreyttum íþróttaskólum.
Stefnt er að því að bjóða upp á íþróttaskóla með svipuðu sniði í vetur. Nánari upplýsingar um tímasetningar og fyrirkomulag verða birtar hér á síðunni í lok ágúst.
