Langhlauparadeild UFA var stofnuð 20. mars 2003 af hópi fólks sem hafði stundað hlaup saman um nokkurt skeið. Hlutverk deildarinnar er að efla lang- og almenningshlaup í bænum og greiða götu þeirra sem vilja stunda íþróttina sér til ánægju og/eða til keppni.
Deildin stendur fyrir hlaupaæfingum þar sem jafnt byrjendur og lengra komnir geta fundið leiðir og þjálfun við sitt hæfi. Deildin kemur auk þess að undirbúningi þeirra hlaupa sem UFA stendur fyrir (1. maí hlaup, Akureyrarhlaup og Gamlárshlaup) og þá ekki síst á þann hátt að hvetja almenning til að taka þátt í þessum hlaupum og skapa stemningu í kringum þau. Liður í því er að standa fyrir öðrum hlaupum þar sem ekki er lögð eins mikil áhersla á keppni, t.d. að hlaupa skemmtilegar leiðir í góðum félagsskap, efna til boðhlaups milli vinnustaðahópa og fleira þess háttar.
Stjórn deildarinnar skipa:
Rannveig Oddsdóttir, formaður.
Ingibjörg Halldórsdóttir, meðsjtórnandi
Aðalbjörg Hafsteinsdóttir, meðstjórnandi
Elías Gíslason, varamaður.
