UFA - Plús er hópur fólks sem langar að prófa að æfa frjálsar, hreyfa sig reglulega og kynnast hressu fólki. Þetta er fólk sem aldrei hefur prófað áður í bland við fólk sem jafnvel æfði hér áður fyrr.
Hugmyndin kom upp eftir ferð hóps foreldra sem fylgdi börnum sínum og öðrum keppendum á Heimsleika ungs fólks í frjálsum í Gautaborg í sumar. Ákveðið var þegar heim kæmi að stofna hóp fyrir konur og karla á aldrinum 30 + sem vilja æfa frjálsar hjá UFA.
Æfingar verða út ágúst á Þórsvellinum/Boganum á þriðjudögum og fimmtudögum kl 19-20. Ef mæting verður góð og áhugi mikill verður vonandi áframhald í vetur.
Stofnuð hefur verið facebook síða fyrir hópinn https://www.facebook.com/groups/1696541237233990/
Endilega mætið á næstu æfingu og takið vini og vandamenn með. Hlökkum til að sjá ykkur.
