Það var heldur þungfært fyrir hlaupara í fjórða vetrarhlaupi þessa vetrar sem fram fór í gær. Sautján hlauparar létu það ekki á sig fá og skeiðuðu 10 km hringinn. Helgi Rúnar Pálsson var fyrstur í mark á 45:34, annar var Finnur Dagsson á 47:51 og þriðji var Leo Broers á 49:51. Fyrst kvenna var Rachael Lorna Johnstone á 54:18, önnur var Sigríður Rúna Þóroddsdóttir á 54:53 og þriðja var Guðrún Nýbjörg á 55:46.
Aðeins tvö lið náðu inn stigum í stigakeppni liða að þessu sinni, Hugmyndasnauðir sem leiða stigakeppnina með 19 stigum, og Skjaldbökurnar sem eru komnar í þriðja sæti í liðakeppninni með 9 stig.
Hér má sjá tíma allra sem hlupu og stöðuna í stigakeppninni.
