Fréttir

UFA - Plús er hópur fólks sem langar að prófa að æfa frjálsar, hreyfa sig reglulega og kynnast hressu fólki. Þetta er fólk sem aldrei hefur prófað áður í bland við fólk sem jafnvel æfði hér áður fyrr. Hugmyndin kom upp eftir ferð hóps foreldra sem fylgdi börnum sínum og öðrum keppendum á Heimsleika ungs fólks í frjálsum í Gautaborg í sumar. Ákveðið var þegar heim kæmi að stofna hóp fyrir konur og karla á aldrinum 30 + sem vilja æfa frjálsar hjá UFA.

Meistaramót Íslands 15-22 ára fór fram á Sauðárkróki um helgina. UFA eignaðist ellefu nýja Íslandsmeistara. Auk þess fengum við tíu silfur og sex brons. Gunnar Eyjólfsson setti mótsmet í 400m hlaupi 16-17 ára pilta þegar hann kom í mark á tímanum 51,33 sek. Kolbeinn Höður Gunnarsson setti mótsmet í 100m hlaupi pilta 20-22 ára þegar hann kom í mark á tímanum 10,65 sek. Í stigakeppninni lentu 15 ára piltarnir okkar og 20-22 ára piltarnir okkar í þriðja sæti en UFA lenti í fimmta sæti í heildarstigakeppninni sem er flottur árangur. Til hamingju öll Áfram UFA Nánari úrslit hér http://46.149.29.198/motfri/SelectedCompetitionResults.aspx?Code=MI15-22-15

Kolbeinn Höður Gunnarsson sigraði í 100m hlaupi karla á tímanum 10,91 sek. sem og í 200m hlaupinu á tímanum 21,82 sek. Stefán Þór Jósefsson sigraði í hástökki karla með stökk upp á 1,88 metra sem er persónuleg bæting. Stefán hafnaði svo í öðru sæti í langstökki með stökk upp á 6,47 m sem er einnig bæting. Hafdís Sigurðardóttir sigrði í 100m hlaupi kvenna á tímanum 11,98 sek og í langstökki með stökk upp á 6,40 metra. Rakel Ósk Dýrfjörð Björnsdóttir lenti í öðru sæti í stangarstökki kvenna með stökk upp á 3,20 metra. Nánari úrslit má finna hér http://46.149.29.198/motfri/SelectedCompetitionResults.aspx?Code=BAET2015 og hér http://46.149.29.198/motfri/SelectedCompetitionResults.aspx?Code=BAET2015I