Fréttir

Sumaræfingar hjá öllum flokkum UFA (nema meistaraflokki) hefjast mánudaginn 8. júní. Allar æfingar fara fram á frjálsíþróttavellinum við Hamar. Sumaræfingataflan kemur innan skamms bæði hér inn á síðuna og einnig í dagskránna.

Hafdís Sigurðardóttir bætti Íslandsmetið í langstökki á 2. hluta Vormóts UFA í gær. Hafdís stökk lengst 6,54 m í mótinu og var það sigurstökk mótsins. Sá árangur verður þó ekki skráður sem Íslandsmet vegna þess að vindur var +2,1m/sek. Íslandsmet hennar 6,45 m með +1,9m/sek í vind kom í annarri umferð. Fyrra met Hafdísar í greininni var 6,41 m sett í Evrópukeppni landsliða í Tbliisi í Georgíu í fyrra.

Vormót UFA 2.hluti fer fram á Þórsvellinum miðvikudaginn 27.maí milli 17:00-19:20.