Mæting og miðasala í hlaupinu að þessu sinni er við Orkugarð sem er beint neðan/austan við Norðurorku upp á Rangárvöllum. Hlaupinn er 8,5 km hringur sem hefst og endar við Orkugarð. Hlaupinn er Lögmannshlíðarhringur, nokkuð klassískur ekki alveg á sama hátt í gegnum Giljahverfi og algengast er. Takið vel eftir beygjum þar.
Ræst er við Orkugarð og hlaupið upp að Lögmannshlíð, hefðbundna leið. Áfram er haldið að Lónsbakka, fram hjá B. Jensen og svo er beygt inn á nýlegan stíg rétt áður en komið er að þjóðveginum. Sá stígur er hlaupinn að Síðubraut þar sem beygt er til hægri og götunni fylgt yfir í Vestursíðu. Vestursíða er ekki hlaupin til enda heldur er beygt upp Bröttusíðu sem svo breytist í Borgarbraut. Hér kemur svo að því að vanda beygjurnar því næst á að beygja upp Merkigil (en ekki fara hefðbundna stíginn fyrir ofan skólann). Syðst í Merkigili, þar sem gatan beygir í átt að Hlíðarbraut, er haldið áfram eftir stíg sem liggur aftur upp í Orkugarð.
Helstu beygjur verða spreyjaðar en við hvetjum ykkur til að vera með leiðina nokkuð á hreinu áður en lagt er af stað, spreyið er ekki jafn greinilegt þegar fer að rökkva.
Rás- og endamark við Orkugarð
Stígur meðfram Hörgárbraut
Endasprettur
