Jæja gott fólk árið byrjar heldur betur vel hjá UFA fólki. Um síðastliðna helgi fór fram MÍ í fjölþraut og MÍ Masters í Laugardalshöllinni.
Í fjölþrautinni varð Birnir Vagn Finnsson Íslandsmeistari í sjöþraut karla ( 60m- langst-kúla-hástökk-60mgrind-stöng og 1000m hlaup) Birnir skrapaði saman 4343 stigum sem er hans annar besti árangur frá upphafi.
Hinn 16 ára gamli Garðar Atli Gestsson tók þátt í sjöþraut 16-17 ára. Garðar átti mjög góða þraut og náði í 3344 stig og bætti sig í 4 greinum
Dagur Pálmi Ingólfsson varð Íslandsmeistari í fimmþraut 15 ára drengja ( 60mgrind-langstökk-hástökk-kúla og 800m hlaup) Það er óhætt að segja að Dagur gjörsigraði fimmþrautina með 2556 stig sem er yfir lágmarki fyrir unglingalandsliðið. Dagur bætti sig í þremur greinum.
MÍ í Mastersflokkum var haldið samhliða og þaðan kom okkar fólk klyfjað af verðlaunum. UFA náði í næst flest verðlaun á þessu móti eða 16 gullverðlaun og þrjú silfurverðlaun.
Í flokki 50-54 ára karla þá varð Ágúst Bergur Kárason fimmfaldur Íslandsmeistari í 60m, 200m, 400m langstökki og þrístökki. Beggi fékk auk þess silfur í hástökki
Í flokki 60-64 ára þá verð Unnar Vilhjálmsson Íslandsmeistari í kúluvarpi
Anna Sofia Rappich rúllaði sínum flokki upp í 60m, langstökki og stangarstökki í flokki 60-64 ára
Ebba Karen Garðarsdóttir náði í gull í 200m hlaupi í flokki 35-39 ára, Ebba náði einnig í silfur í 60m og kúlu
Sonja Sif Jóhannsdóttir sótti 2 gull í 200m og 400m í flokki 45-49 ára
Sigríður Hrefna Pálsdóttir varð hlutskörpust í flokki 45-49 ára í langstökki ,þrístökki og kúlu
Loks varð Eygló Ævarsdóttir íslandsmeistari í kúluvarpi kvenna 35-39 ára
Myndir af Flickr síður FRÍ og frá Unnari
