Akureyrarhlaup Íslenskra verðbréfa og Átaks fór fram í gær. Þátttakendur voru um 140 og hlupu ýmist 5 km, 10 km eða hálft maraþon. 
Arnar Pétursson sigraði í hálfmaraþoni karla á nýju brautarmeti 1:10.01 sem er 12 sekúndum undir eldra brautarmeti sem Þorbergur Ingi Jónsson átti. Anna Berglind Pálmadóttir var fyrst kvenna í hálfmaraþoni kvenna á 1.26:25. Anna Berglind og Arnar eru því Íslandsmeistarar í hálfmaraþoni 2018.
Í 10 km hlaupi kom Þórólfur Ingi Þórsson fyrstur í mark á 33:40 og Rannveig Oddsdóttir var fyrst kvenna á 39:18.
Í 5 km hlaupi sigraði Vignir Márí Lýðsson í karlaflokki á 16:59 og Sonja Sif Jóhannsdóttir var fyrst kvenna á 20:10.
Öll úrslit úr hlaupinu má sjá hér: https://timataka.net/akureyrarhlaup2018/
