Þar sem ekki viðraði til útihlaupa á gamlársdag var Gamlárshlaupinu frestað til dagsins í dag og fór fram í ágætu veðri og góðu hlaupafæri. Góður hópur hlaupara mætti til hlaups, margir prúðbúnir enda keppt um best klædda liðið.
Í 5 km hlaupi kom Anna Berglind Pálmadóttir fyrst í mark á 20:52, önnur kvenna var Þóra Guðný Baldursdóttir á 25:00 og þriðja var Rakel Friðriksdóttir á 26:07. Í karlaflokki var Helgi Rúnar Pálsson fyrstur á 23:20, annar var Björn Þorleifsson á 23:50 og sjónarmun á eftir honum var faðir hans Þorleifur Stefán Björnsson.
Í 10 km hlaupi var Halldór Hermann Jónsson fyrstur á 38:33, annar karla var Hjalti Jónsson á 43:44 og þriðji var Halldór Arinbjarnarson á 44:10. Fyrst kvenna var Rannveig Oddsdóttir á 42:11, önnur var Guðrún Nýbjörg Svanbjörnsdóttir á 45:38 og þriðja var Rósfríð Áslaugsdóttir á 52:31.
Tíma allra sem hlupu má sjá hér.
UFA þakkar öllum þeim sem styrktu hlaupið með gjöfum og vinnuframlagi. Allur ágóði af hlaupinu rennur í fararsjóð iðkenda sem eru að fara í æfingabúðir á Tenerife um páskana.
