Mynd frá FRI.is
Tveir öflugir liðsmenn UFA, þau Baldvin Þór Magnússon og Sigþóra Brynja Kristjánsdóttir, kepptu fyrir hönd landsliðsins á Evrópubikar landsliða frjálsum íþróttum í Stara Zagora í Búlgaríu í júní.
Baldvin Þór náði þriðja sæti í 1500 metra hlaupi á tímanum 3:47,54 mín og sigraði svo keppni í 3000 metra hlaupi á tímanum 8:01,56 mín sem er persónulegt met og mjög nálægt Íslandsmetinu í greininni.
Sigþóra Brynja keppti í fyrsta sinn fyrir Íslands hönd á mótinu. Hún bætti sína tíma í 3000 metra og 5000 metra hlaupum þrátt fyrir óþarflega mikinn hita á mótsstað. Hún hljóp 3000 metra hlaupið á tímanum 10:23,44 mín og 5000 metra hlaupið á 17:52,14 mín.
Myndir frá FRI.is
