1. maí hlaup UFA verður að sjálfsögðu á sínum stað þetta ár eins og endranær. Boðið verður upp á 400 m leikskólahlaup, 2 km grunnskólahlaup og 5 km hlaup með tímatöku sem er opið öllum.
Skráning er hafin á hlaup.is og hvetjum við fólk til að nýta sér forskráninguna þótt einnig verði hægt að skrá sig á staðnum að morgni hlaupadags. Það einfaldar mótshöldurum framkvæmdina að sem flestir nýti sér forskráningu og keppnisgjöld eru einnig lægri í forskráningu.
Hlaupið er frá Þórvellinum og hefst leikskólahlaupið kl. 12.00, 2 km grunnskólahlaup kl. 12.15 og 5 km hlaupið kl. 12.45.
