Fréttir

Gautaborgarleikarnir fara fram dagana 3. – 5. júlí. Keppendur UFA eru tuttugu og níu að þessu sinni og því ansi stór og glæsilegur hópur sem hélt til Svíþjóðar í nótt. Í dag eru Gautaborgarleikarnir stærsta frjálsíþóttamót í Skandinavíu með yfir 3500 þátttakendur frá 20 löndum. Mótið sjálft fer fram á Ullevi Arena, hinum glæsilega leikvangi Gotverja, í miðborg Gautaborgar. Það verður spennandi að fylgjast með okkar fólki á þessu stórmóti. Fyrir þá sem hafa áhuga á að fylgjast með gengi hópsins þá er hér linkur að heimasíðu mótsins http://www.vuspel.se/

Meistaramót Íslands 11-14 ára fór fram á Selfossi um helgina. UFA krakkarnir stóðu sig með stakri prýði og eignaðist UFA þrettán nýja Íslandsmeistara. Auk þess fengum við tíu sifur medalíur og fimmtán brons. Jón Þorri setti mótsmet í langstökki 13 ára pilta þegar hann stökk 5,33 metra. Sara Ragnheiður setti mótsmet í langstökki stúlkna 12 ára þegar hún stökk 5,00 metra. Ragúel Pino setti mótsmet í 800m hlaupi þegar hann kom í mark á tímanum 2:11,49 mín. Í stigakeppninni sigruðu 14 ára drengirnir okkar sinn flokk með yfirburðum en UFA lenti í öðru sæti í heildarstigakeppninni sem er frábær árangur. Til hamingju með frábæran árangur. Áfram UFA.

Sumarleikar HSÞ fóru fram helgina 20. -21. júní. UFA iðkendur stóðu sig afar vel og fóru hátt í 130 sinnum á pall. Úrslit mótsins er að finna hér http://mot.fri.is/cgi-bin/ibmot/timesedillib2477.htm